.jpg)
事咁既，身邊啲朋友成日問我有咩擇偶條件，巴巴閉閉咁分享佢地嘅心得。
話咩要有劉心悠嘅面孔、法拉嘅笑容、雷凱欣嘅身材、何家淑女嘅後臺。
我多數就一句車埋去：「咁個條女會唔會陪你去食麥記先？」
個宅男肥仔拎住個巨無霸，臉容扭曲到好似畢卡索啲名畫咁，生命去到一個非常危險嘅階段。聽到依個問題，佢已經從最終幻想中解放出黎。
他已經死了。
唔想講都要坦白講，一個男人去到廿幾歲，拖住條女，「去邊食飯」依個問題仲難解拆過「南北韓危機」同「阿仙奴N年無冠」。
有時銀包就得個幾廿蚊，衰啲講句入星巴克買杯Latte扮下高尚，已經要行路回家。
隔離有個女伴，想食餐經濟啲嘅都要左諗右諗，
「譚仔呀！今日想食米線！」
「嚇，好逼喎...」
「沙嗲王呀！都坐得舒服！」
「嚇，要等勁耐喎...」
「不如食碗雲吞面呀！寶貝你想減肥嘛！」
「嚇，勁多阿叔阿伯喎...」
「食麥記」？你真系講都唔敢講！就算佢肯，你都唔好意思問。
試過同一位已成歷史塵埃嘅女朋友走入一間茶記。
喂唔差架喎其實！
地板立立令唔在講、餐牌全過膠，令你感受到法國西南部波爾多嘅浪漫迷情、加上圍繞身邊，三部LCD大電視，令你可以系2013年，觀賞亞視節目：「2010年亞洲小姐決賽」，個種系過去未來穿梭嘅快感令人縈繞夢域。
一個客飯配咕嚕肉，唔包餐飲都78蚊，絕對唔cheap！
只不過對面個女人就唔系咁諗啦，
聽到入茶記已經成個比達上身咁西口西面，見到個餐牌直情變埋超級西面人。
大佬，你想做比達都睇下對面個個是不是莊子啊！
又話唔乾淨、又話個位逼、又話電視機好嘈。
我心諗：「法拉利跑車啲位仲窄，你系咪唔坐先？成日落老籣啲clubbing，都唔似好安靜下話，斷估你都唔會拎本雙城記去老籣呀，你邊有咁文藝呀？」
ok fine！我諗就兇狠，講就冇份...
最後佢講左一句：「Honestly，我覺得食餐飯每人三百零蚊好基本囉。」
我心諗：「安甩匙哩，你唔洗強調每人囉，你都冇找過數。系咪？」
我想即刻飛左佢。但事實上佢即日已經飛左我。
我曾經以為女人都是這樣，我曾經想過做「一休和尚」算數。得閒有需要就撲下木魚，以此為樂。
估唔到有生之年仲搵到一個主動同我食麥記嘅女仔。
一個男人要同女朋友食麥記，為咗啲咩？
覺得麥記好好食？覺得麥趣飯好爆趣？覺得陳豪真系會拎住條寬頻線彈出黎請你飲杯「給不千奴」？
成年人唔好比咁多幻想自己啦，廿幾歲仔要拉個女朋友去食老麥只系因為四個字－「山窮水盡」。
講真，當個女仔提議食麥記嘅時候，我真系懷疑佢系到試探我。只要我話好，就會收取「你是好人」嘅好人卡。
但我見佢咁真心又一試無妨。
一坐低佢就問我食咩，就自己行左出去買。
我心諗「出事！」
系麥記兵法之中，只要你戰略得宜，一餐飯既價格要超越CaliforniaPizza絕對唔系難事。
一個散嗌嘅扭扭粉，掟個靚彎去隔離「麥café」整杯藍梅特飲，加件芝士餅。驀然回首order多客薯條走鹽，雞翼並盤當做例行，真系我慣了傷心，臨尾飄移外賣一個開心樂園餐，話要換禮物比細佬。成壇野已經一百幾廿蚊，仲要未買你個份。
只系說時遲、那時快，女朋友已經買咗返黎，佢最後要既只系廿一蚊既麥樂雞餐，無加大、無加三蚊變檸檬茶。
個一野已經眼濕濕，我想話比返錢佢，佢仲借啲意話遲下食好嘢先比我請返。
我好滾動，我終於流下男兒淚，個時仲要搭梗枱。
女朋友問我好地地做咩喊，我唯有話啲洋蔥澀眼，真系「一層一層一層 的剝開我的心」，但系我食梗魚柳包...
個一刻，我終於明白，咩叫感動。
踢場足球系 運動、
比賽攞獎系 激動、
BB出世系 作動、
上床攪野系 性衝動、
套都唔戴系 輕舉妄動、
長洲個個系 張保仔洞，
只有女朋友系你唔太惦嘅情況下，主動拉你去食麥記，仲要顧住你面子，唔令你難堪，掛住個笑樣拖住你只手仔食薯條，個一下先叫感動。
劉心悠始終會老、法拉都有黑面嘅時候、雷凱欣會爆炸、何家淑女你又唔系陳X聰、Angela Monkey都開始同人撞樣啦！
男人一生，尋覓到一個肯同自己挨麥記嘅女人，三個字“娶得過”。
話咩要有劉心悠嘅面孔、法拉嘅笑容、雷凱欣嘅身材、何家淑女嘅後臺。
我多數就一句車埋去：「咁個條女會唔會陪你去食麥記先？」
個宅男肥仔拎住個巨無霸，臉容扭曲到好似畢卡索啲名畫咁，生命去到一個非常危險嘅階段。聽到依個問題，佢已經從最終幻想中解放出黎。
他已經死了。
唔想講都要坦白講，一個男人去到廿幾歲，拖住條女，「去邊食飯」依個問題仲難解拆過「南北韓危機」同「阿仙奴N年無冠」。
有時銀包就得個幾廿蚊，衰啲講句入星巴克買杯Latte扮下高尚，已經要行路回家。
隔離有個女伴，想食餐經濟啲嘅都要左諗右諗，
「譚仔呀！今日想食米線！」
「嚇，好逼喎...」
「沙嗲王呀！都坐得舒服！」
「嚇，要等勁耐喎...」
「不如食碗雲吞面呀！寶貝你想減肥嘛！」
「嚇，勁多阿叔阿伯喎...」
「食麥記」？你真系講都唔敢講！就算佢肯，你都唔好意思問。
試過同一位已成歷史塵埃嘅女朋友走入一間茶記。
喂唔差架喎其實！
地板立立令唔在講、餐牌全過膠，令你感受到法國西南部波爾多嘅浪漫迷情、加上圍繞身邊，三部LCD大電視，令你可以系2013年，觀賞亞視節目：「2010年亞洲小姐決賽」，個種系過去未來穿梭嘅快感令人縈繞夢域。
一個客飯配咕嚕肉，唔包餐飲都78蚊，絕對唔cheap！
只不過對面個女人就唔系咁諗啦，
聽到入茶記已經成個比達上身咁西口西面，見到個餐牌直情變埋超級西面人。
大佬，你想做比達都睇下對面個個是不是莊子啊！
又話唔乾淨、又話個位逼、又話電視機好嘈。
我心諗：「法拉利跑車啲位仲窄，你系咪唔坐先？成日落老籣啲clubbing，都唔似好安靜下話，斷估你都唔會拎本雙城記去老籣呀，你邊有咁文藝呀？」
ok fine！我諗就兇狠，講就冇份...
最後佢講左一句：「Honestly，我覺得食餐飯每人三百零蚊好基本囉。」
我心諗：「安甩匙哩，你唔洗強調每人囉，你都冇找過數。系咪？」
我想即刻飛左佢。但事實上佢即日已經飛左我。
我曾經以為女人都是這樣，我曾經想過做「一休和尚」算數。得閒有需要就撲下木魚，以此為樂。
估唔到有生之年仲搵到一個主動同我食麥記嘅女仔。
一個男人要同女朋友食麥記，為咗啲咩？
覺得麥記好好食？覺得麥趣飯好爆趣？覺得陳豪真系會拎住條寬頻線彈出黎請你飲杯「給不千奴」？
成年人唔好比咁多幻想自己啦，廿幾歲仔要拉個女朋友去食老麥只系因為四個字－「山窮水盡」。
講真，當個女仔提議食麥記嘅時候，我真系懷疑佢系到試探我。只要我話好，就會收取「你是好人」嘅好人卡。
但我見佢咁真心又一試無妨。
一坐低佢就問我食咩，就自己行左出去買。
我心諗「出事！」
系麥記兵法之中，只要你戰略得宜，一餐飯既價格要超越CaliforniaPizza絕對唔系難事。
一個散嗌嘅扭扭粉，掟個靚彎去隔離「麥café」整杯藍梅特飲，加件芝士餅。驀然回首order多客薯條走鹽，雞翼並盤當做例行，真系我慣了傷心，臨尾飄移外賣一個開心樂園餐，話要換禮物比細佬。成壇野已經一百幾廿蚊，仲要未買你個份。
只系說時遲、那時快，女朋友已經買咗返黎，佢最後要既只系廿一蚊既麥樂雞餐，無加大、無加三蚊變檸檬茶。
個一野已經眼濕濕，我想話比返錢佢，佢仲借啲意話遲下食好嘢先比我請返。
我好滾動，我終於流下男兒淚，個時仲要搭梗枱。
女朋友問我好地地做咩喊，我唯有話啲洋蔥澀眼，真系「一層一層一層 的剝開我的心」，但系我食梗魚柳包...
個一刻，我終於明白，咩叫感動。
踢場足球系 運動、
比賽攞獎系 激動、
BB出世系 作動、
上床攪野系 性衝動、
套都唔戴系 輕舉妄動、
長洲個個系 張保仔洞，
只有女朋友系你唔太惦嘅情況下，主動拉你去食麥記，仲要顧住你面子，唔令你難堪，掛住個笑樣拖住你只手仔食薯條，個一下先叫感動。
劉心悠始終會老、法拉都有黑面嘅時候、雷凱欣會爆炸、何家淑女你又唔系陳X聰、Angela Monkey都開始同人撞樣啦！
男人一生，尋覓到一個肯同自己挨麥記嘅女人，三個字“娶得過”。
沒有留言:
發佈留言